الزمن اللي نعيش ذا معروف كيف الذكاء الاصطناعي صار جزء لا يتجزأ من حياتنا. حتى في مجال الصحة، صار يلعب دور كبير وفعّال، خصوصًا مع ظهور البوتات. يعني تخيلو عندك مساعد طبي رقمي، مثل شات جي بي تي، بس متخصص في الطب! يجلس معك 24 ساعة، بدون كلل ولا تعب، يساعدك في فهم أعراضك، يعطيك نصايح دقيقة، ويتابع حالتك حتى بعد العلاج. شات جي بي تي يمكن يطقطق عليك إذا كثرت طلبات، لكن في عالم الرعاية الصحية، يصير الموضوع جدّي ومهم جدًا.
قريت مقالة موجودة في مجلة Current Urology Reports، ومتعاونين فيها من كازاخستان، الهند، النرويج، والمملكة المتحدة. في مجال المسالك البولية اللي يُعتبر واحد من أكثر التخصصات تحديًا، الشات بوتات المدعومة بالذكاء الاصطناعي حققت تقدم كبير بشكل يجنن. يعني مثلاً مريض يعاني من أعراض بسيطة مثل التهابات المسالك. بدل ما يحجز موعد وينتظر بالعيادة، الشات بوت يقدر يوجهه بخطوات أولية ويقرر إذا كان يحتاج زيارة الطبيب أو إذا فيه حلول بسيطة. والأجمل، فيه شات بوت اسمه “PROSCA”، متخصص في تثقيف مرضى سرطان البروستاتا. هذا الشات بوت ساعد تقريبًا 89% من المرضى يفهمون حالتهم بشكل أفضل، وقلل من قلقهم. زي كأنك تتحدث مع طبيبك الشخصي، لكن بدون ما تضطر تطلع من بيتك.
او زي مثلا سارة المساعدة الصحية الرقمية طورتها منظمة الصحة العالمية باستخدام تقنيات الذكاء الاصطناعي التوليدي. وتتوفر على مدار الساعة بثماني لغات عبر الفيديو أو النص، وتقدم نصائح حول تقليل التوتر، التغذية السليمة، الإقلاع عن التبغ والسجائر الإلكترونية، بالإضافة إلى معلومات حول مواضيع صحية أخرى، بس انه يُذكر أن سارة ليست مصممة لتقديم استشارات طبية مباشرة.
المهم هنا يجي دور المعلوماتية الصحية، اللي هي أصلاً عصب هذه التقنية. البيانات اللي يوفرها الشات بوت، مثل معلوماتك الطبية السابقة وأعراضك الحالية، تُستخدم لتحليل حالتك وتقديم نصايح شخصية مناسبة. وبرضه، هالتقنيات ساعدت المرضى يغيرون نمط حياتهم. مثلًا، مريض يعاني من سلس البول أو مشاكل البروستاتا، الشات بوت يعطيه نصايح دقيقة عن نظامه الغذائي أو التمارين اللي ممكن تساعده، وهذا بحد ذاته يغير حياة المرضى للأفضل.
لكن عشان نصير واقعيين شوية التقنية مردها زي أي شيء ثاني، عندها تحديات. أولها الأمان والخصوصية والشات بوت يتعامل مع بيانات حساسة جدًا، وإذا صار فيه أي اختراق أمني، ممكن يسبب مشاكل كبيرة للمريض وللنظام الصحي. غير كذا، دقة الإجابات تعتمد على جودة النظام. إذا كان فيه خلل بالنظام، ممكن الشات بوت يعطي نصيحة غلط، وهذا شيء خطير في المجال الطبي.
وبرغم هالتحديات، الفوائد اللي تقدمها التقنية ما نقدر نتجاهلها. الأطباء يحصلون على وقت أكثر للتركيز على الحالات المعقدة، والمرضى يستفيدون من خدمات فورية وعملية. تخيل معي، مريض يعيش في قرية بعيدة عن المدينة. بدل ما يتكلف ويقطع مسافة طويلة عشان يشوف طبيب، يقدر يستخدم الشات بوت ويلاقي الحل.
ولازم أقول إن الشات بوت مو بس يساعد المرضى، يدعم الأطباء برضو. يعني فيه تقنيات تحلل بيانات المرضى وتقدم توصيات طبية مبنية على الذكاء الاصطناعي. حتى القرارات الصعبة، زي اختيار خطة علاج، الشات بوت يساعد فيها.
في النهاية، الذكاء الاصطناعي صار شريك حقيقي في تحسين جودة الرعاية الصحية. الشات بوتات والمعلوماتية الصحية يفتحون أبواب لمستقبل مختلف تمامًا. زي ما نقول دائمًا، التقنية إذا استُخدمت بطريقة صحيحة، ما لها حدود.
المرجع:
المقالة موجودة في مجلة Current Urology Reports، وعنوان المقالة هو:“Potential of AI-Driven Chatbots in Urology: Revolutionizing Patient Care Through Artificial Intelligence ومتعاونين فيها من كازاخستان، الهند، النرويج، والمملكة المتحدة.
وعاد سارة تلقونها في موقع منظمة الصحة العالمية
https://www.who.int/campaigns/s-a-r-a-h
